BATTERIE - KINDER

Bangladesh, sloppenwiek

Kilamur..

Dree maol in de wekke

kömp ter ne vrachwagen

vol olde batteri-jen

en wodt der estort.

Op den barg zit moders

met kleine kinder.

Met ne bolle iezer

slaot ze de batteri-jen

in stukke.

Twee kwartjes daags

kriegt ze um der de

koolstaven uut te slaon.

Poriëndepe zit 't grei

in eure gezichter

en in eure hande..

Veur twee kwartjes

daags ne reize naor

de helle...

Kinder as laevensver-

zekering veur de olden.

Hoo old ze wodt??!!

Halima is now negen:

zol ze nog tien joor

te good hemmen?

't Vergif zit now al

depe in eur.

Zollen onze batteri-jen

der ok hen gaon?

Wim Bluemers Reurle 18 mei '98