U bent in het

LEESZAAL - ARCHIEF

Hier vindt u de maandelijkse Columns van d'n Draodnaegel ofwel gerard Tijdink, de nieuwste column is te lezen in de LEESZAAL

'T BOSSCHOPPENLIESKE VAN ONS MOO’

Un rol beschuut, un blik Buisman, un halve stoet’n en twee roll’n papier veur’t huuske, ie wet wal, dat grouwe, wat neet zo duur is.
O ja, ok nog un pak stiefsel, veur de aoverhem’n

No nog wat op’t brood, es kiekk’n, un blik knetbief, un ons peerde-fleis, un pond suuker, un pond salt en un rol peppermuntkes, dubbel stark.

Veur bie de thee, een pak melkook’n en veural neet vergetten um un nie'j plakzegelbeukske te vraog’n.
Dat ha’k haost vergett’n, un flesken prik. Half peksken botter, van bleuband en vief lollies as de kleinkinder komt.

Laot es kiek’n, un pak riest met broene suuker, want dikke riest met broene suuker, dat lust ze bie ons. Un rog’nbrood, grof, daor wo'j sterk van. Un deuze broene eier, gin kneuzen, ie wet wal, dee van dree cent. Ok nog un Rekits zakje blauw en un half pond grauwe arwten, want daar ku’j zo van blaos’n.

Veur de kinder un rol snoep, veur niks, want dat wil ’n kruid’nier nog wal es vergett’n. No es kiekk’n, wat he'k allemaol. Nee, meer kan der neet af; de knip lig dwas. Maor Maondag beurt de Va weer !!!

Deze tekst heb ik gekregen van Gerard Tijdink, alias de DRAODNEAGEL.