U bent in het LEESZAAL - ARCHIEF Hier vindt u de maandelijkse Columns van Dini Jansen, de nieuwste column is te lezen in de LEESZAAL
HOO UT TON, 1959, WIETER GING IN DINI’S HERINNERING
COLUMN VAN DINI JANSEN - KEMPERS Nao de opnames van de twee eerste singletjes met daorop VAARWEL M’N ZEEMAN, MARJANNE, DUUZENDE STERREN en DE TRALALAPOLKA ging alles eigenluk in een sneltreinvaart. Ut presenteren van dee leedjes was op 10 oktober 1959 in Aalten an burgemeester van Veen. D.m v. een ri’jtoer op ne platten boerenwagen won’n wi’j as het ware an de Aaltense bevolking veur ‘esteld as ut platenduo DINI en WIM. Wi’j vonnen ut vreseluk, ik heb mien nog nooit zo op’elaoten eveuld! Maor ja, ut was een idee van de platenfirma, zo deen ze dat in ’t westen van ’t land ook. Gelukkig zatte wi’j der neet allenig op, ook de halve stal van PHONOGRAM/FONTANA was van de partij en dee wazzen vôller beroemder as wi’j dus dat leiden nog wal mooi af.
Op de trappen van ’t gemeentehuus ston onzen burgervader ons op te wachten en werde wi’j natuurlijk vol lof too esprokkene maor vraog mien neet wat e allemaole ezegd hef want ik weet ut echt neet meer. Ik heb um too maor vlot de twee plaetjes egovvene en dat was dát…..dacht ik. Maor nea, wi’j mosten der nog ene zingen, de microfoon ston der jo neet veur niks en onder accordeonbegeleiding van ut Mijnwerkersorkest zonge wi’j ton DUUZENDE STERREN.
Wi’j drogen ook nog een soort van klederdracht op dringend verzoek van de platenbaas maor dat hadde wi’j ga nooit an en too hew maor wat ge-inproviseerd. Wim ne zwatte bokse met ne donkerblauwen kiel en ik een ribfluwelen donkerblauw jurkjen en een geblokt half schortjen veur. Allebei ne rooien zakdook um de nekke en dikke zûkke met witte hoge klompen der bi’j an en voila…. ut boerenplaetjen was daor!! A’k ut terugge zee op foto’s was ut nog ga neet zo gek.
’s Middags mos der gerepeteerd wodden want ’s aovends was de premiere in ut Feestgebouw van Wenterswiek. Den aovend won’n gesponsord deur 3 platenwinkels, te weten; Radio Woordes uut Wenterswiek, Radio Lensink uut Bredevoort en Radio Van Lochem uut Aalten.
An dat programma deden met; Johny Hoes, Mary Servaes oftewel de Zangeres Zonder Naam, de Twee Jantjes, de Limburgse Zusjes, het Mijnwerkersorkest o.l.v. Addy Kleyngeld en dan natuurlijk DINI en WIM. Ut was een bonten aovend met muziek, zang, en sketsch onder de naam; VIJF TELLEN NA NU, ik geleuf dat dat destieds ook een radioprogramma was.
Ut grote Feestgebouw in Wenterswiek was helemaol uutverkocht en in de krante ston later “Velen moesten noodgedwongen de toegang worden geweigerd “ en “Het applaus zwol aan tot een ovatie toen de twee artiesten uit de streek op traden! “ Haha, mooi toch?! En wat wazze wi’j zenuwachtig, veural Wim en dat werd ook nog in de krante vermeld en dat vonne later helemaol neet zo leuk!
Der kwam nog een echte speech van ne hogen eume van de platenmaatschappij de heer de Hartog en hee bracht nog cadeau’s met. Ne reiswekker veur Wim en ne leren poeierdoze veur mi’j! Natuurlijk hemelen hee ons ook enorm op en wa’k nog ut mooiste von was dat e zei dat “hij het heel fijn vond dat er nu ook eens artiesten uit de Achterhoek voortkwamen! “ Ja ja NORMAAL was der ton nog neet en dee begonnen toch bi’j de zelfde platenbaas as wi’j; Johny Hoes!
Maor ut was echt een super-gezelligen aovend en de leu gingen heel tevreane naor huus en veur ons was ut startschot egovvene veur een hele reeks van optredens ’n helen Achterhook deur en een stuk van Ovverijsel. Ons eerste optreden nao dee premiere was in Aalten veur……..echt waor; 900 mensen!! Veur de destieds beroemde AZSV - aovende samen met de ook destieds beroemde HEIKNEUTERS!
Ut was een gekkenhuus den winter, elk zichzelf respecterend dôrpken of plaatse wol ne kere DINI en WIM op ut programma hebben. Of in hun blad of krante met een interview……of in hun radioprogramma zoas o a bi’j Roel Balten in Hilversum bi’j de AVRO. Um nooit te vergeaten was het interview dat wi’j gavven an Jan Bresser veur zien programma “Tussen Greens en Ieselt” bi’j de Regionale Omroep Noord en Oost. Den kwam naor ons too en ut gesprek von plaatse in zien auto op de Stationsweg in Bre’voort.
Drek nao de premiere moste wi’j verschillende platenzaken bezeuken um handtekeningen uut te delen an heel verleagen fans dee neet in de gaten hadden dat wi’j nog vôller verleagener wazzen! Maor wi’j gingen, al was dat echt neet ut leukste, naor Wenters, naor Dinxperlo, naor Doetinchem enz enz! Zonder auto, den hadde wi’j too nog neet dus alles met ut openbaar vervoer.
Wat ne winter………den winter van 1959/1960!!!
Tôt de volgende kere enne………laot ’t ow goodgaon, DINI
Hier vindt u de maandelijkse Columns van Dini Jansen, de nieuwste column is te lezen in de LEESZAAL HOO UT TON, 1959, WIETER GING IN DINI’S HERINNERING Nao de opnames van de twee eerste singletjes met daorop VAARWEL M’N ZEEMAN, MARJANNE, DUUZENDE STERREN en DE TRALALAPOLKA ging alles eigenluk in een sneltreinvaart. Ut presenteren van dee leedjes was op 10 oktober 1959 in Aalten an burgemeester van Veen. D.m v. een ri’jtoer op ne platten boerenwagen won’n wi’j as het ware an de Aaltense bevolking veur ‘esteld as ut platenduo DINI en WIM. Wi’j vonnen ut vreseluk, ik heb mien nog nooit zo op’elaoten eveuld! Maor ja, ut was een idee van de platenfirma, zo deen ze dat in ’t westen van ’t land ook. Gelukkig zatte wi’j der neet allenig op, ook de halve stal van PHONOGRAM/FONTANA was van de partij en dee wazzen vôller beroemder as wi’j dus dat leiden nog wal mooi af. Op de trappen van ’t gemeentehuus ston onzen burgervader ons op te wachten en werde wi’j natuurlijk vol lof too esprokkene maor vraog mien neet wat e allemaole ezegd hef want ik weet ut echt neet meer. Ik heb um too maor vlot de twee plaetjes egovvene en dat was dát…..dacht ik. Maor nea, wi’j mosten der nog ene zingen, de microfoon ston der jo neet veur niks en onder accordeonbegeleiding van ut Mijnwerkersorkest zonge wi’j ton DUUZENDE STERREN. Wi’j drogen ook nog een soort van klederdracht op dringend verzoek van de platenbaas maor dat hadde wi’j ga nooit an en too hew maor wat ge-inproviseerd. Wim ne zwatte bokse met ne donkerblauwen kiel en ik een ribfluwelen donkerblauw jurkjen en een geblokt half schortjen veur. Allebei ne rooien zakdook um de nekke en dikke zûkke met witte hoge klompen der bi’j an en voila…. ut boerenplaetjen was daor!! A’k ut terugge zee op foto’s was ut nog ga neet zo gek. An dat programma deden met; Johny Hoes, Mary Servaes oftewel de Zangeres Zonder Naam, de Twee Jantjes, de Limburgse Zusjes, het Mijnwerkersorkest o.l.v. Addy Kleyngeld en dan natuurlijk DINI en WIM. Ut was een bonten aovend met muziek, zang, en sketsch onder de naam; VIJF TELLEN NA NU, ik geleuf dat dat destieds ook een radioprogramma was. Ut grote Feestgebouw in Wenterswiek was helemaol uutverkocht en in de krante ston later “Velen moesten noodgedwongen de toegang worden geweigerd “ en “Het applaus zwol aan tot een ovatie toen de twee artiesten uit de streek op traden! “ Haha, mooi toch?! En wat wazze wi’j zenuwachtig, veural Wim en dat werd ook nog in de krante vermeld en dat vonne later helemaol neet zo leuk! Der kwam nog een echte speech van ne hogen eume van de platenmaatschappij de heer de Hartog en hee bracht nog cadeau’s met. Ne reiswekker veur Wim en ne leren poeierdoze veur mi’j! Natuurlijk hemelen hee ons ook enorm op en wa’k nog ut mooiste von was dat e zei dat “hij het heel fijn vond dat er nu ook eens artiesten uit de Achterhoek voortkwamen! “ Ja ja NORMAAL was der ton nog neet en dee begonnen toch bi’j de zelfde platenbaas as wi’j; Johny Hoes! Maor ut was echt een super-gezelligen aovend en de leu gingen heel tevreane naor huus en veur ons was ut startschot egovvene veur een hele reeks van optredens ’n helen Achterhook deur en een stuk van Ovverijsel. Ons eerste optreden nao dee premiere was in Aalten veur……..echt waor; 900 mensen!! Veur de destieds beroemde AZSV - aovende samen met de ook destieds beroemde HEIKNEUTERS! Ut was een gekkenhuus den winter, elk zichzelf respecterend dôrpken of plaatse wol ne kere DINI en WIM op ut programma hebben. Of in hun blad of krante met een interview……of in hun radioprogramma zoas o a bi’j Roel Balten in Hilversum bi’j de AVRO. Um nooit te vergeaten was het interview dat wi’j gavven an Jan Bresser veur zien programma “Tussen Greens en Ieselt” bi’j de Regionale Omroep Noord en Oost. Den kwam naor ons too en ut gesprek von plaatse in zien auto op de Stationsweg in Bre’voort. Drek nao de premiere moste wi’j verschillende platenzaken bezeuken um handtekeningen uut te delen an heel verleagen fans dee neet in de gaten hadden dat wi’j nog vôller verleagener wazzen! Maor wi’j gingen, al was dat echt neet ut leukste, naor Wenters, naor Dinxperlo, naor Doetinchem enz enz! Zonder auto, den hadde wi’j too nog neet dus alles met ut openbaar vervoer. Wat ne winter………den winter van 1959/1960!!! Tôt de volgende kere enne………laot ’t ow goodgaon, DINI
COLUMN VAN DINI JANSEN - KEMPERS
’s Middags mos der gerepeteerd wodden want ’s aovends was de premiere in ut Feestgebouw van Wenterswiek. Den aovend won’n gesponsord deur 3 platenwinkels, te weten; Radio Woordes uut Wenterswiek, Radio Lensink uut Bredevoort en Radio Van Lochem uut Aalten.