U bent in het LEESZAAL - ARCHIEF Hier vindt u de maandelijkse Columns van Dini Jansen, de nieuwste column is te lezen in de LEESZAAL
TALENTENJACHTEN
COLUMN VAN DINI JANSEN - KEMPERS Sinds anderhalf jaor doo ik an vocal-coaching, een duur woord veur ut begeleiden van jong talent. Bi’J een dearntjen van no 13 jaor dat de sterren van de hemel zunk maor ton ik eur veur ut eerst zag en heurn marken ik dat ze begeleiding neudig had en bood ik ut eur an. Dat anbod nam ze gretig an en vanaf ton kump ze één keer in de weake bi’j mien en doo wi’j an oefeningen veur wat betreft eur aodemhaling, ontspanning, holding, tekstbeleaving en natuurlijk veural an ut oefenen van eur stembanden op een verantwoorde manier.
Maor no hef ze zich misschien een betjen de kop gek laoten maken want ze wil zich laoten inschrieven veur een of andere talentenjacht, i’j zeet ze legio op de tillevisie teggenswoordig. Eur olders bunt er helemaol neet bli’j met, wat verstandig is, maor nog verstandiger is ut van hun um ut eur neet te verbeeden want iets dat neet mag is dubbel zo antrekkelijk, toch?
Bovvenstaonde bracht mi’j terugge in de tied ton ik met Wim zon hôtjen an ut zingen wazze. Bi’j ons kwam toen ook op ne goeien dag ut idee um is wat te preberen. In ut, destieds heel bekende muziekblad Tune Tunes, ston een advertentie waarin jong talent werd op’eropene zich te melden bi’j niemand minder dan Johny Hoes, de koning van ut levenslied. Dan most i’j een band met wat ingezongen leedjes opstuurn.
Dat ging destieds nog deur gebruuk te maken van ne bandrecorder. Den hadde wi’j neet maor daor was wal an te kommen um te lenen. Zo gezegd, zo gedaon en wi’j zongen met gitaarbegeleiding zo’n stuk of 6 leedjes in, dee ik zelf ‘emaakt had.
Wat schetst onze verbazing ton wi’j al vlot ne breef kreggen van Johny Hoes met de vraog um “zo spoedig mogelijk telefonisch contact op te nemen “ Maor umdat wi’j zelf nog gin telefoon hadden ginge wi’j daorveur naor ut postkantoor in Bre’voort waor natuurlijk iederene kon métluustern. Maor ja, a’j beroemd wilt wodden moj daor niks um gevven, toch?
Dee afspraak wit ton ‘emaakt wodden ovverdonderen ons nogal want Johny Hoes wol dreks, de volgende weake al kommen met zien accordeonist Addy Kleyngeld. Wi’j schrokken ons werkelijk te pletter en durven ut an gin mense te ve’tellen. Ut ging ons echt helemaol bovven de pette!
En daor zat dus op ne goeien middag de koning van ut levenslied en zien accordeonist met ons in de kamer van Wim zien oldershuus. Nao een uurken praoten kreggen wi’j een contract veur de neuze en mochte wi’j um te beginnen 4 zelfgeschreven leedjes in Hilversum in de Fontana-studio kommen opnemmen, waorvan 2 leedjes in ons mooie dialect mochten wean. Dat contract mochte wi’j rustig deurleazen en dan an um opstuurn.
Zo gezegd, zo gedaon maor wi’j bunt er eerst nog met naor ds. Boerma egaone en ton den zien goedkeuring gaf hebbe wi’j ut ondertekent en verstuurt. En zo begon ons grote avontuur waor ik jullie een volgende kere wal wieter ovver vertelle.
Tot de volgende kere en laot ’t ow goodgaon, DINI
Hier vindt u de maandelijkse Columns van Dini Jansen, de nieuwste column is te lezen in de LEESZAAL TALENTENJACHTEN Sinds anderhalf jaor doo ik an vocal-coaching, een duur woord veur ut begeleiden van jong talent. Bi’J een dearntjen van no 13 jaor dat de sterren van de hemel zunk maor ton ik eur veur ut eerst zag en heurn marken ik dat ze begeleiding neudig had en bood ik ut eur an. Dat anbod nam ze gretig an en vanaf ton kump ze één keer in de weake bi’j mien en doo wi’j an oefeningen veur wat betreft eur aodemhaling, ontspanning, holding, tekstbeleaving en natuurlijk veural an ut oefenen van eur stembanden op een verantwoorde manier. Maor no hef ze zich misschien een betjen de kop gek laoten maken want ze wil zich laoten inschrieven veur een of andere talentenjacht, i’j zeet ze legio op de tillevisie teggenswoordig. Eur olders bunt er helemaol neet bli’j met, wat verstandig is, maor nog verstandiger is ut van hun um ut eur neet te verbeeden want iets dat neet mag is dubbel zo antrekkelijk, toch? Bovvenstaonde bracht mi’j terugge in de tied ton ik met Wim zon hôtjen an ut zingen wazze. Bi’j ons kwam toen ook op ne goeien dag ut idee um is wat te preberen. In ut, destieds heel bekende muziekblad Tune Tunes, ston een advertentie waarin jong talent werd op’eropene zich te melden bi’j niemand minder dan Johny Hoes, de koning van ut levenslied. Dan most i’j een band met wat ingezongen leedjes opstuurn. Dat ging destieds nog deur gebruuk te maken van ne bandrecorder. Den hadde wi’j neet maor daor was wal an te kommen um te lenen. Zo gezegd, zo gedaon en wi’j zongen met gitaarbegeleiding zo’n stuk of 6 leedjes in, dee ik zelf ‘emaakt had. Wat schetst onze verbazing ton wi’j al vlot ne breef kreggen van Johny Hoes met de vraog um “zo spoedig mogelijk telefonisch contact op te nemen “ Maor umdat wi’j zelf nog gin telefoon hadden ginge wi’j daorveur naor ut postkantoor in Bre’voort waor natuurlijk iederene kon métluustern. Maor ja, a’j beroemd wilt wodden moj daor niks um gevven, toch? Dee afspraak wit ton ‘emaakt wodden ovverdonderen ons nogal want Johny Hoes wol dreks, de volgende weake al kommen met zien accordeonist Addy Kleyngeld. Wi’j schrokken ons werkelijk te pletter en durven ut an gin mense te ve’tellen. Ut ging ons echt helemaol bovven de pette! En daor zat dus op ne goeien middag de koning van ut levenslied en zien accordeonist met ons in de kamer van Wim zien oldershuus. Nao een uurken praoten kreggen wi’j een contract veur de neuze en mochte wi’j um te beginnen 4 zelfgeschreven leedjes in Hilversum in de Fontana-studio kommen opnemmen, waorvan 2 leedjes in ons mooie dialect mochten wean. Dat contract mochte wi’j rustig deurleazen en dan an um opstuurn. Zo gezegd, zo gedaon maor wi’j bunt er eerst nog met naor ds. Boerma egaone en ton den zien goedkeuring gaf hebbe wi’j ut ondertekent en verstuurt. En zo begon ons grote avontuur waor ik jullie een volgende kere wal wieter ovver vertelle. Tot de volgende kere en laot ’t ow goodgaon, DINI
COLUMN VAN DINI JANSEN - KEMPERS