Deze site is vernieuwd op 17 maart 2006
Op deze pagina willen we u het Achterhoekse muzikale talent aan u voorstellen. We doen dit door iedere gast of gasten dezelfde vragen voor te leggen, zodat u vergelijkingsmateriaal heeft.
De Nederlandse versie kunt u lezen op door hier te klikken
Deze week stellen we aan u voor: Haverkampband
D'n muziekgroep is begin 1993 op-ericht deur Kruppstahl en 'n breur met wat néven. Zien breur Hendrik Haverkamp dee ok met en ze numen zich Haverkamp. An 't ende van 2001 had Hendrik d'r genog van en is -e d'r met estopt. Wi-j nuumt ons vanaf 2002 Haverkampband.
Zoepmuziek. Wi-j knapt d'r allemachtig op met moddervette Rock (met 'n grote letter R!). Wi-j spölt zowel eigen versjes as gejatte muziek met eigen teksten. Azze wi-j muziek jatten dan doet wi-j dat van Rock helden as AC/DC, Thin Lizzy, Robert Palmer, Brian Adams, Neil Young en andere olderwetse rockers. As 't moar knapt as mega siesters en as onze fans 't moar mooi vinnen!. Waarom hebben jullie gekozen voor het Achterhoeks dialect? Woar motten wi-j anders in zingen? Uit welke leden bestaat de band en welk instrument bespelen zij? Reerbek - gereer
Høkhart - gillende gitaar
Kruppstahl - slacht gitaar
Basman - bas
Batermans - tonnen
Kun je iets vertellen over de geschiedenis van de band? Umda-w mekare missen as familie, he-w af-esproaken da-w ’n keer allemachtig zollen goan zoepen. Iederene die metene of zowat metene van vrouw haverkamp afstammen wodd’n an-eschrevne.
Bi-j ’t woapen van Heekeren, ‘t cafe van Evert-Jan, mos ’t dan gebeuren en smargens vrog wodd’n d’r dan ok ’n doatum afesproaken (Evert-Jan zien geheugen wordt minder zo deur d’n dag hen).
Noa ’n uurken aftanken kwam d’n proat, Hendrik Haverkamp had ’t hoogste woord en iederene lachen zich verrek! ’N stuk of wat liters jenever wieter von’n ’n stuk of wat kearls van ’t edele Haverkamp geslacht ’t wies umme d’n gitaar bi-j d’n hals te griepen en de kolenschuppen wat oaver d’n snaren hen en weer te rammelen. Now, dat ging alderbastend bes en joa, dan mo-j oaveral optre-jen. Now bu-w al ’n dikken 10 joar wieter en wi-j hebt ’t hele land en ’t buutenland ezene (de rest van de Nederlandse provincies....). A-j alles ezene heb hoef i-j neet wieter te kieken zeg Hendrik altied. A-j zo old bunt as Hendrik zol dat ok nog best ‘ns zo kunnen wézen!
W-j as hups vernemstige kearls, en ’n best ende jonger as Hendrik, denkt lange nog neet an stoppen!! Wi-j hebt ’n joar lange rond-ekekken en in ’n dag zonder jenever wist d’n Basman zich nog veur d’n geest te halen dat Reerbek uut Maarkel (alias “de asperge”) ok wal reeren kon. Vrogger, in d’n Hazenbagger tied, stonnen zee ok al tegeliek op de planken. D’n Reerbek dach ok wal schik te können hebben as ‘e met toprockers met kon doon, dus....vanaf 2002 bu-w d’n Haverkampband!!!
Hebben jullie al cd's uitgebracht, zo ja noem evt een aantal titels?
Vanaf 2002 is d'r 1 CD-single met 3 alderbastend knappende rocknummers uutekommen, "Olderwetsigheid = Bestigheid". Hee verkuch át bast! Hee wördt oaveral edreai-jt, van regionale radiozenders tut Arrow Classic Rock! 'N compliment woar wi-j zo trots op bunt as 'n aap met 7 lullen! A-j em nog neet hebt dan ku-j em kopen veur 2 Euro bi-j 'n optrejen of in huus halen via 'n verkooppunt of
www.haverkampband.nl
Treden jullie ook op en waar is de eerst volgende?
Wi-j treden tameluk vaak op, veur 't volgende optre-jen ku-j 't beste effen op d'n toerlieste kieken op www.haverkampband.nl.
Wat is jullie mooiste ervaring tot nu toe? Eigenluk bunt 't 2 dinger:
Ellek optre-jen is allemachteg prachteg, a-j zeet dat 't vollek schik hef en zich de pense vol steet te zoepen.
Datte wi-j in d'n luxe wagen an 't luusteren wazzen noar Arrow Classic Rock en onze, toen spiksplinterni-je, single veurbi-j heurden kommen.
Hoe zien jullie de toekomst? Allemachtig prachteg, wi-j hebt now al pien in de pense van 't lachen! Alles wat wi-j nog met goat maken, alle zalen die wi-j op de kop goat zetten, tegen d'n zommer goa-w weer wat op d'n plate knappen, alle bier en jenever die wi-j nog op goat zoepen, alle mooie wieve die wi-j nog goat "bekieken" (oonze wieven kieken met...) en goa zo moar deur!
Waar kunnen mensen terecht voor informatie? Op onze 2-talige website (dialect en Nederlands)
www.haverkampband.nl of via email en i-j kunt ons natuurluk altied effen ansprékken bi-j 'n optre-jen..
Wilt u nog iets kwijt wat wij vergeten zijn te vragen? Joa, eigenluk mo-j ons gewoon effen kommen bekieken, wi-j bunt op ons best azze wi-j live op d'n planken stoat te knappen! Dan pas snap i-j hoe echte Rock zol motten wéhn! Groeten en tot binnenkort, Haverkampband.
Mocht u bij ons op deze pagina willen staan of u kent een Achterhoeks muzikaal talent schrijf dan even een email of in ons gastenboek.
De kommende moanden motten wi-j 3 tut 4 keer per moand aans bateren.
