INTERVIEW / ETALAGE - ARCHIEF van WWW.MARLINE.NL, Hier vindt u Hobbyisten die ik ontvangen heb. Items die al geweest zijn kunt u terug vinden in ons archief Welkom in het
JAN HULS, hij doet erg veel voor en met het Achterhoeks Dialect
Voor de Nederlandse vertaling klik HIER. Ko'j ow efkes in't kort veurstell'n?
Ik bun 73 joar, geboren en getogen Aaltenaar, wonne an den Bodendiek
en schrief daorumme onder et preudoniem B O den Dieker. Ik heb 3 mooie dochters en 7 prachtige kleinkinder. Bun al 47 joar gelukkig etrouwd, heb 23 jaor in den bouw ewarkt, deur rugklachten ook nog 8 jaor as gastarbeider ( WSW / biej gemeente Lechtemvoorde. Hebbe 40 jaor evoetbalt, 55 jaor meziek emaakt en 45 jaor amateurtoneel. Wat heb iej met d'n Achterhook?
Alles Ze vraogt miej wal es ,,,, Jan praot iej altied plat- Dan zeg ik Nea neet altied. Alleen ak wat zeggen wil. Welke dinge doe'j allemaole en dan ins besunders met et dialect?
Hebbe 26 afleveringen eschreven van "Rondum et heerdvuur". Verhalen ovver spoken en heksen zoas dee vrogger verteld worden biej et heerdvuur. Dat dee ik in ne weakblad in de regio. Hoe bu'j op et idee e'kommen om juust iets met eht Achterhooks te gaon doen?
Op anvroage van bv Staringinstituut ea. Iej zingt ok in het Achterhooks, schrief i'j de liedjes zelf of bunt et liedjes ut vervlogen tieden?
Schrief veur gelegenheden zelf en zong ook andermans teksten
Et zingen en meziek maken geet neet meer. Wal hek olde opname's vanuut et archief biej ene op CD ezet, um te veurkommen dat ze stomp uut de tied raakt. Leedjes as Anton met den bok / Kok soep domme Lieze en andere olde dinge. Maor ook teksten van wijlen B Stegeman.of dinge deet vrogger bekend wazzen, van de Heikneuters, Ebbers en van den Berg biejveurbeeld of van mien vader
wijlen J. M. Huls, dichter, schriever dent in en net nao den oorlog aktief was. Et bunt deels arg olde opnames, uut de jaoren 60 of 70, dus geluidstechnisch neet zo as now, moar nog goed genog um te bewaren. Ook diverse nummers van erkende en bekende artisten uut de regio, maor wel van leedjes van toen. Iej schrieft ok in et dialect, wat schrief ie zoal en he'j al wat uute'geven?
Veur jubilea van groepen verenigingen enz ovver de historie van de clubs. Heb 2 jaor ne colum ehad in Achterhoek Nieuws onder naam "Praoterieje". Ook 26 grotere stukke met volksverhalen en schrief op verzoek wal zgn. leavensschetsen veur trouweriejen enz. Draeg iej ok veur uut eigen wark?
Jao mits in de buurt zodak met ne scootmobiel der kan kommen.
. He'j ok nog ander bezigheden?
Films en foto's van old Aalten of buurgemeente's maken. Is et ow'n hobby of bu'j der professioneel met bezig?
Is hobby, maor ik wil wal graag de kosten terugge. Zo kost de CD "Biejnao vergeaten leedjes" 3 euro afgehaald an den Bodendiek en 5 euro biej postverzending, veur bolletjesverpakking en porto. Waar kunnen mensen terecht voor informatie?
Info via telefoonnummer 0543 - 476038 of MAILEN ovv. adres of telefoonnummer. Bun ik nog wat vergetten, da'j geerne vermeld wil hebben?
Bedankt veur de aandacht en GOODGOAN.
Ook 2 toneelstukke, kluchten, in et plat en 7 vertalingen van uut et platduutse, deet ook uutegovven bunt en nog espuld wordt.
Ook hek 11 jaor ne dialektprogramma emaakt en epresenteert veur de lokale radio in ons dorp, maor dee is der neet meer.
Wal bunk af en too te heurn as gast biej Achterhoek / Berkelland of Slingeland FM met et dialekt en ook wal in verpleegcentra enz.
