LEESZAAL - ARCHIEF Hier vindt u verhalen van Bernard van Schie Welkom in het
DE JUF EN DE BLOEM.
As i'j as pork op de boerderi'je ronddwaald, dan word i'j al gauw te völle.
Dan loop i'j in de weage, dán loop i'j weer te jengelen, dán zit i'j weer errgens an waor i'j met de fikken af mot blieven en zo bunt ze regelmaotig achter ow an ´t vangen. Zo kan ik nog wel effen deurgaon.
Dan kump de tied dat ze wat vastigheid veur ow mot zuuken. En of i'j dan wilt of niet, ens kump de dag dat i'j naor schole mot. Nao un paar dage begon ik d'r an te wennen, dat kwam umdat juffrouw Hanneken zo lief was... Ik kon al gauw héél goed met eur opschiet'n. Ik proberen zels um 's middags wat langer nao te blieven um eur te helpen met opruumen en as ik maor met juffrouw Hanneken allene kon weazen, dan dej ik alles veur eur. Ik was zó gek op eur, dat ik al es evraogd hebbe of ze met mien wol trouwen. Toen lachen ze een betjen en zei, dat ik dan maor wachten mos tut ik groot was.
Maor ze had wél een kleinen tik. Ze hield namelijk wel van een borreltjen. An elken vinger wel éne.
Ik denke dat ik dat ok van eur eleerd hebbe. Maor zie kon der niet zo goed tegen. Ze wier der al gauw een betjen tipsie van.
Op een dag kreeg zie een uutneudiging veur een groot feest. Een galafeest zogezegt. Ze kocht zich een mooien, langen jörk met een diep uutgesneden "kottelet." Ik menen toen dat dat zo heiten, maor ik kwam der later achter, dat ik dat verkeerd had.
Ze is 's aovends naor dat feest ewest en had zich natuurlijk weer een betjen gek gedragen. Ze mos den anderen dag wel weer veur de klasse staon. En toen gebeuren et! "Zo, zo. Wat hebt u een haast!" "Och juffrouw Hanneke, dat is niet zo erg, maar kijk eens hoe u gekleed bent!" Juf kek naor eur klere en schrok veur de tweede keer den margen. Ze had de jörk an waor ze met naor et feest was ewest! Ze kreeg een kleur. De meister kek iets langer dan neudig was en zei toen: "Ik vind het niet zo erg, dat u die jurk aan hebt, maar gezien het zeer lage decolleté!"
Hie kek nog es effen; "maar gezien uw zéér lage decolleté lijkt het me beter, dat u even de tuin ingaat en daar een mooie, maar vooral een grote bloem plukt en daarmee uw decolleté bedekt!"
"Ja meneer, u hebt gelijk. Ik zal het meteen doen," zei ze nog helemaol achter de poeste. Een strörmken later kwam ze de klasse in met een prachtigen, maor veural grote bloeme in et decolleté.
Tegen de klasse zei ze:"Vandaag gaan we het hebben over de voeding van de bomen, struiken en bloemen." En ze wees naor de mooien bloeme onder eur kinne. Ze trok den bloeme iets omhoge en vroeg:"Kinderen, waar zou deze bloem nu van leven?"
Dat had ik al gauw ezien en ik stok de vinger op. "Zeg het maar Beernt." "Van melk juffrouw," zei ik glunderend, omdat ik mien eigens zo slim vond. "Nee", zei ze. "Deze bloem leeft niet van melk, maar van water." "Ooh," zei ik een betjen teleurgesteld. "Maor ik kan van hieruut toch niet zien, hoe lang die stel is!"
Deur Beernt, alias Bennie van Schie uut Zelhem.
Eerst natuurlijk naor de kleuterschole, want i´j mot ergens beginnen.
Nao völle geblaer en gebrul, umdat i'j liever bi'j moeder blieft, wet ze ow uutendeluk met spöllegoed en mooie weurde toch op schole te hollen.
Ze sliep dwars deur de wekker hen en toen ze wakker wier, schrok ze zich te pletter. Nog een betjen dizzie en slöaperig, had ze zich ak gauw an'ekleed en was op de fietse esprongen. Net veurdat de schole begon, kwam ze met de heure nog in de warre et schoolplein opstoeven. Wi'j wazzen daor nog an et spöllen. De baovenmeister was daor ok en die hield eur an....
"Ja, ziet u meneer, ik ben vannacht héél laat thuisgekomen en heb de wekker niet gehoord. Zodoende heb ik me verslapen. Neemt u me niet kwalijk!"
