Deze pagina is vernieuwd op 25 oktober 2007
T OLDE MOT NIET OP! Enige jaoren geleden, en dan praot ik weer oaver de veurige eeuw, wodd`n d`r in onze streek anders gesprokk`n dan tegenswoordig. `T taalgebruuk is veranderd en persoonlijk nuum ik dit een verandering in negatieve zin. Gruwelijks jammer dat d`r uutdrukkingen bunt verdwenen die ieder vertelseltje, van wie dan ok, aangenamer kúnt maken. Gradus ganzenpen kumpin zien vak völle bie de luu an huus en sprekt he`j ok völle oldere mensen en daor heurt Gradus af en toe uutspraken die he`j vervolgens opschrif en veur zichzelf bewaart en ok gebruukt in gesprekken met andere luu. Stel o`w veur: D`r belt iemand op met `t verzuuk um is effen an te komm`n want d`r bunt nogal wat vraogen oaver `t huus. Welno`w, de meeste vraogen kan Gradus zo afhandelen en tot slot vrög men an Gradus of d`r ok `n nie`je kökken in kan komm`n. Zo`n kökkenblok bekik Gradus dan en besluut d`r nog `n timmerman op lös te laoten zodat de kökken nog `n jaor of wat met kan. Vervolgens verteld dan de vrouw des huuzes, "Boh foi toch, dat völt mien as `n kei in de schottezak"!!!! Zo heurt Gradus nog wel `ns wat. Op `n ander adres wordt d`r gevraogd naor iets wat deur Gradus onmeugelijk kan worden toegestaon umdat `t beleid dit niet toesteet. De man die veur Gradus st steet zegt, "Al reagent `t ok koestront met knuppels, `t zal d`r komm`n"!!! Tijdens een der bezuuk`n is de vrouw des huuzes bezig met `t etten kokk`n en Gradus ganzenpen maakt dan al gauw de opmerking oaver `t ett`n want `t ruukt goed!! Jao jao, zegt de vrouw, d`r mot weer goed gegett`n wodd`n want de kollegeid dient zich an. Humkessoep met zwabberbutte, boekspek met titt`n of wat te denken van `n lekker stuksk`n kinnenbaksham! Vandaag de dag wordt d`r alleen al bie`j `t `t woord gegriezeld maor ze`j wet niet hoe `t smaakt umdat `t nauwelijks wordt gepruufd. De kökkens van vandage bunt anders dan die d`r vrogger waren. Een klein onderbouwtje met een granieten aanrechtblad waorvan de götsteen rechtstreeks was angeslotten op `t göttegat. Op de hoek van `t aanrecht een peterolie-stelleken waorop een kloete balkenbrie stond te wachten. Buut`n handbereik van de luu hingen d`r an stökke stukken nagelholt en "kei"harde worsten waortussendeur de vliegen zwermden! Tegenswoordig mot alle vernufterie`jen d`r in zitten anders ku`j niet de loef afstekken naor andere luu, maor al die vernufterie`jen mot onderhollen wodd`n en dat wil vandaag de dag nog wel `s achterwege bliev`n, zo zie`j af en toe kökkens die zo vet bunt waorvan ie`j denkt dat Ard Schenk doar nog hef leren schaatsen. Of wat te denken van een kökken waor de kakkerlakken op teenslippers loopt en ok dat is te zien, en waor gebeurd in de buurte van De Leuke.
