PAPIER`N VERJOARDAG !

Enige jaoren geleden, en dan praot ik weer oaver de veurige eeuw, ontvingen bewoners in een Vodd`nse buurte een briefken dat was ondertekend deur een vrie`jgezel den naost zien arbeid ok nog völle slepwerk deed veur een vereniging in `t Vodd`nse. De tekst op `t breefken luud`n as volgt: " Beste buurluu, ankommende zondag de zovölsten bun ik jeurig en dat wi`k geerne met oele vieren op zaoterdagaovend de zovölsten. Wanneer ik weerumme kom van mien slepwerk en mien vrouw hef de blagen in bedde en de koffie klaor wordt iele verwacht. Ik denke dat dat umsgeveer 20.00 uur zal wez`n ".

No`w dat vonden de luu in de buurte maor wat aardig van de sleppert. Links en rechts wodd`n d`r al oaver gepraot en iedereen verheugd`n zich op den bewusten zaoterdagaovend. Een van de buren (we`j nuumt um Gradus Ganzenpen) mos eerst naor de trouwwdag van zien schoonolders, dus kon he`j d`r niet um 20.00 uur wez`n. De luu uut de buurte bunt ongelieke van mekare naor de sleppert gegaon en loopt langs `t kamerraam naor de veurdeure. Ze ziet nog net de sleppert in de onderbokse deur de kamer gaon.

De luu belt an en vervolgens dut de sleppert de deure lös en wordt deur de luu gefeliciteerd met zien verjaordag en biedt um een presentje an. Verwonderend kiekend löt de sleppert de luu binnen en zo in `t begin van de aovend druppelt de buurte bie`j mekare. Toen op dat moment duudelijk werd dat d`r een of ander geintje was uutgehaald en umdat Gradus de enige was die d`r niet was, ging de verdenking daor naor toe.

Ongeveer tien uur kump Gradus Ganzenpen en zien vrouw langs `t kamerraam oplopen en de luu begint um vrolijk toe te lachen. No`w woont Gradus wel in een vrolijke buurte maor um no`w te zeggen dat ze altied de tanden bloot legt is een tikkeltje oaverdreven. Gradus belt an en daor kump de sleppert en wordt nog een keer gefeliciteerd met zien verjaordag. Vrolijk met doen is `t motto van Gradus dus was `t snel tegen de klokke van middernacht. De sleppert vrög of d`r nog iets mag kommen. Jao, jao zegt Gradus, uuteindelijk bi`j zo jeurig en daor ku`w dan fijn op proosten. Toen werd d`r deur een of ander duud`lijk gemaakt dat De sleppert nargens van wist en dat de hele veurraod gebak en bier veur de visiete van zundag d`r zo`n betjen deur gegaon is.

Gelukkig veur Gradus Ganzenpen, kon he`j angeven dat he`j d`r niks met te maken had. Wat bliekt no`w: De sleppert liet altied de belastingpapieren invullen deur een old buurtgenoot. Wanneer de papieren waren ingevuld werd altied trouw gevraogd wat de onkosten waren. Net als andere jaoren zeker? was de vraog van de boekholder, en dat was altied niks, noppes en nada! Dus toen hef de boekholder de uutneudigingen verstuurd um toch nog iets te hebben, al is `t alleen maor vermaak en dat is waor gebeurd in de buurte van De Leuke

de website van Harry Jansen