U bent in het LEESZAAL - ARCHIEF Hier vindt u de maandelijkse Columns van d'n Draodnaegel ofwel gerard Tijdink, de nieuwste column is te lezen in de LEESZAAL
STEMMINGMAKERIEJE Da’s weer zo’n zo’n uutdrukking, waorvan e-zeg wordt, dat luu die dat doe, biej wat veur geleagenheid dan ok, de sfeer goed zit te verpesten, soms gewoonweg uut balorigheid. Ik kwamme op die gedachten umdat wiej 3 Meert nao de stembusse gaot um een nieje gemeenteraod te kiezen en zo’n drie maond later nog een keer veur een nieje regering.
Deurumme dach ik : Wie dut d’r noe an stemmingmakerieje??
Dat doet de vertegenwoordigers uut ons kabinet eiges. Zo vlak veur de verkiezingen doet de verschillende partiejen niks anders as mekare zwart maken. De veur- en tegenstanders vliegt mekare in de heure, terwiel ze bienao vier jaor lank met mekare hebt op e-trokken in de kamer daor in Den Haag.
Dit kabinet hef de vierde termien net niet af können maken en noe maor afwachten of ze met de viefde periode nog an bod komt. De ene helfte van ’t kiezersvolk vindt, dat ze ’t niet goed e-daon hebt in de politiek en de andere helfte zit domweg te verklaoren dat ze ’t niet better hadden können doen. Dan hei ok nog kiezers die ’t helemaole niet meer ziet zitten en zekt doodleuk : “Wiej gaot niet meer hen stemmen, want of iej noe deur de hond of deur de katte e-betten wordt, ’t blif lood um old iezer in de politiek”. Maor kiezersvolk wel gaon stemmen astoeblief, ik bewere altied : Niet e-schotten da’s altied mis.
Peers, rood of een gruun Kabinet, ’t land mot e-regeert wodden, de strijd tussen de liesttrekkers barst lös en ze beloaft ons weer van alles. Nederland is één van die landen waor veur de verkiezingen het volk goed in de maling word e-nommen deur de liesttrekkers en nao de verkiezingen nemt diezelfde liesttrekkers in de tweede kamer het volk weer biej de neuze.
Wiej könt bienao niemand meer vertrouwen biej de oaverheid, want politie-bazen mot aftreden umdat ze ‘t in de praktijk niet goed doet of niet op de plaatse bunt, waor ze wel hadden motten weazen. Burgermeisters die de lane uut e-stuurd wordt umdat ze fraudeert hebt. Procureur - generaals die ok e-fraudeert hebt wordt al dan niet met een golden handdruk af e-voerd en of naevenfuncties hebt bekleed. Gaot zo maor deur, veurbeelden te oaver.
De wittenboordencriminaliteit tiert ok welig en ’t kump nog een keer zowiet, dat onze studenten in de economie op universiteiten en hogescholen straks nog cum fraude slaagt i.p.v. cum laude.
Vlak veur de verkiezingen beloaft ze ons daor in Den Haag van alles, wat ze nao de verkiezingen weer niet waor könt maken.
Dan denk ik soms met mien boerenverstand, dat ze daor gunds in ’t westen van ons land denkt : völle beloaven en weinig geven dut de kiezer wel in vreugde leven, maor beste kiezers nemt noe van mien an dat d’r nergens zovölle e-loagen wordt as : In een oorlog, nao een grote jachtpartieje en……. vlak veur de verkiezingen.
De dans um ’t kiezersvolk is in volle gang e-zet en dat geet wieter tötdat ze daor in Den Haag op hun plaatse zit. Dan blif ’t eers een heel helen tied stille in de tweede kamer tötdat ’t volk an de buis wakker wordt e-schud en met de neuze weer op de feiten e-drukt, waor de afgevaardigden earluk e-zeg met bezig bunt, nameluk uutslaopen of uutrusten van de gehollen verkiezingsstrijd, want sommige kamerleden zit d’r onderuutgezakt op hun stoel as zoltzakken biej.
Wiej hebt in ieder geval kleure bekend, as iejluu tenminste ok hen stemmen bunt e-wes. Stemt straks biej de grote verkiezing in Juni anstaonde positief of negatief, dan ziej ‘d’n anderen dag in ’t niejs wel wat ’t resultaot daorvan is.
Hier vindt u de maandelijkse Columns van d'n Draodnaegel ofwel gerard Tijdink, de nieuwste column is te lezen in de LEESZAAL STEMMINGMAKERIEJE Da’s weer zo’n zo’n uutdrukking, waorvan e-zeg wordt, dat luu die dat doe, biej wat veur geleagenheid dan ok, de sfeer goed zit te verpesten, soms gewoonweg uut balorigheid. Ik kwamme op die gedachten umdat wiej 3 Meert nao de stembusse gaot um een nieje gemeenteraod te kiezen en zo’n drie maond later nog een keer veur een nieje regering. Deurumme dach ik : Wie dut d’r noe an stemmingmakerieje?? Dat doet de vertegenwoordigers uut ons kabinet eiges. Zo vlak veur de verkiezingen doet de verschillende partiejen niks anders as mekare zwart maken. De veur- en tegenstanders vliegt mekare in de heure, terwiel ze bienao vier jaor lank met mekare hebt op e-trokken in de kamer daor in Den Haag. Peers, rood of een gruun Kabinet, ’t land mot e-regeert wodden, de strijd tussen de liesttrekkers barst lös en ze beloaft ons weer van alles. Nederland is één van die landen waor veur de verkiezingen het volk goed in de maling word e-nommen deur de liesttrekkers en nao de verkiezingen nemt diezelfde liesttrekkers in de tweede kamer het volk weer biej de neuze. Wiej könt bienao niemand meer vertrouwen biej de oaverheid, want politie-bazen mot aftreden umdat ze ‘t in de praktijk niet goed doet of niet op de plaatse bunt, waor ze wel hadden motten weazen. Burgermeisters die de lane uut e-stuurd wordt umdat ze fraudeert hebt. Procureur - generaals die ok e-fraudeert hebt wordt al dan niet met een golden handdruk af e-voerd en of naevenfuncties hebt bekleed. Gaot zo maor deur, veurbeelden te oaver. De wittenboordencriminaliteit tiert ok welig en ’t kump nog een keer zowiet, dat onze studenten in de economie op universiteiten en hogescholen straks nog cum fraude slaagt i.p.v. cum laude. Dan denk ik soms met mien boerenverstand, dat ze daor gunds in ’t westen van ons land denkt : völle beloaven en weinig geven dut de kiezer wel in vreugde leven, maor beste kiezers nemt noe van mien an dat d’r nergens zovölle e-loagen wordt as : In een oorlog, nao een grote jachtpartieje en……. vlak veur de verkiezingen. De dans um ’t kiezersvolk is in volle gang e-zet en dat geet wieter tötdat ze daor in Den Haag op hun plaatse zit. Dan blif ’t eers een heel helen tied stille in de tweede kamer tötdat ’t volk an de buis wakker wordt e-schud en met de neuze weer op de feiten e-drukt, waor de afgevaardigden earluk e-zeg met bezig bunt, nameluk uutslaopen of uutrusten van de gehollen verkiezingsstrijd, want sommige kamerleden zit d’r onderuutgezakt op hun stoel as zoltzakken biej. Wiej hebt in ieder geval kleure bekend, as iejluu tenminste ok hen stemmen bunt e-wes. Stemt straks biej de grote verkiezing in Juni anstaonde positief of negatief, dan ziej ‘d’n anderen dag in ’t niejs wel wat ’t resultaot daorvan is.
Dit kabinet hef de vierde termien net niet af können maken en noe maor afwachten of ze met de viefde periode nog an bod komt. De ene helfte van ’t kiezersvolk vindt, dat ze ’t niet goed e-daon hebt in de politiek en de andere helfte zit domweg te verklaoren dat ze ’t niet better hadden können doen. Dan hei ok nog kiezers die ’t helemaole niet meer ziet zitten en zekt doodleuk : “Wiej gaot niet meer hen stemmen, want of iej noe deur de hond of deur de katte e-betten wordt, ’t blif lood um old iezer in de politiek”. Maor kiezersvolk wel gaon stemmen astoeblief, ik bewere altied : Niet e-schotten da’s altied mis.
Vlak veur de verkiezingen beloaft ze ons daor in Den Haag van alles, wat ze nao de verkiezingen weer niet waor könt maken.