Deze pagina is vernieuwd op 25 oktober 2007
MUZIKALE UUTVINDING Enige jaoren geleden, en dan praot ik weer oaver de veurige eeuw, is d`r tekst en uutleg gegeven umtrent `t ontstaan van de muziek en met name de blaosinstrumenten. Hendrik Jan van de Köttelenkamp zit met zien kinders in een kring rond de potkachel. D`r wordt den aovend vanalles verteld en `t ene is nog meer waor gebeurd dan `t andere. Gerritje verteld van de grote hap die ze deed in `n pannenkoeksappel. Stel o`w veur, dat is een appel de`j deur `n volwassen kearl nog met twee handen vast gehollen mot wodd`n a`j d`r langs hen taand. Net toen ze heerlijk an `t kauwen was zag ze een worm uut de appel kiek`n en met `n ferme PFFFRRRTTT raosden de appel weer `t veld in en de grote appel d`r achteran. Graads verteld ho`w he`j vanuut de hanebalken op de heu`jzolder wol springen en plots met beide beentjes an weerskanten langs een sliete schöt en daorop vervolgens een ander stemmetje hef opgezet. Ok vertelden Graads dat he`j toen effen uut de ogen hef kunnen miegen. Toe, vader wet ie`j niet iets te vertellen vroegen de beide oldere kinderen? Och, jao wat zal ik oele zegg`n. Wet iele ho`w de blokfluit is ontstaon vroog Vader. Vervolgens waren alle kinder één en al oor. No`w kiek vervolgde Vader. Hééél vrogger mozz`n alle leu praktisch dagelijks naor de kerke. Maor veurdat de leu d`r naor toe konnen gaon mos eerst `t werk gebeuren en veurdat `t werk af was most d`r beheurlijk gegetten wodd`n. Boekspek met titten, humpkessoep met zwabberbutte en spekpannekoeken met spek dat nog naotrilden in de panne. Waneer de leu zulke maoltieden achter de keizen hadd`n begon `t lief al raps op te spöllen. Ok Hendrik van de Rikkesposte had zo`n euvel. Altied wanneer `t lichaam tot ruste kwam vuuld`n he`j dat de darmen begonnen te rommelen. Vreselijk kniepen was `t enige dat oaver blif en dat dut`o`w gin goed dat wet iedereen. Op `n zundag prakezeert Hendrik zich uut dat d`r gin andere oplossing is dan de toepassing van "de kurk". De kurk was wel een tijdelijk oplossing maor wanneer d`r te völle druk op steet is `t hek van de dam en de maleur in de boek. Dan maor `n klein gaatje d`r in met daoroverhen een papierk`n met meerdere gaatjes. Hendrik zat achterin de kerke en drukken stiekum op de gaatjes wanneer de druk te hoge werd en vervolgens klonk d`r een zacht deuntje. Later werd d`r deur Hendrik aardig muziek gemaakt en spöllen he`j deuntjes zoas: Deur berg en dal, daar komen de schutters, In naam van oranje doe open de poort en later is er toegevoegd het succesnummer van Gert en Hermien met brandend zand!!!! En ok dat is waor(?) gebeurd in de buurte van De Leuke.
