Welkom in het

LEESZAAL - ARCHIEF

Hier vindt u verhalen van Gait den Strieker ofwel Gerbert Abbink.

VADER.......

Ik wazze ech gin "vaders kind"

Ik genk gewoon mien eigen gank

Wat dacht i'j? 'k zol mi'j zelf wal redden

Mien hele leaven lank

Hee zat mie ok neet nao te lopen

Met allerhande goeie raod

At ik wat dee wat hem neet zinnen

Was hee neet kwaod

Hee zea alleen

Hee mot maor zeen

Zelfs ton ik klein was nam'mi'j neet

An't handjen met, Buj wiezer want

Hee zea: Hee mot zien'n weg maor vinden

Dat leard hee neet an miene hand

En daor wol ik ok niks van weten

Ik veulen mi'j al eentieds groot

Niks gin gezeur, ik zol mi'j redden!

Al vond't neet good

Hee zea alleen

Hee mot maor zeen

Noo bun ik eig'lijk ok al old

en noo verduld noo marke ik pas

Dat, wa'k ok dee of waor'k ok genge

Toch hee der altied veur mi'j was

Noo wi'k um vaake nog wal vraogen

Zeg, hoo dee i'j dat toch, weleer

Dan zee'k um grölen, en um denken....

Ut hooft neet meer

Ik heur alleen

I'j mot maor zeen

Nea, nea, hee leaft allang neet meer

Genk jaorn geleane van uns weg

Maor noo denk ik nog iedre keere

Wat zol vaders daor van hebb'n e'zeg.

Februari 1998

Dit gedicht komt uit het boek