Welkom in het

LEESZAAL - ARCHIEF

Hier vindt u verhalen van Wim Bluemers

UN VUNSKEN MAOR.

't Vieren van den

opstanding van Christus

lig net achter ons..

Zien lieden en starven

kömp mie, nao 'n wekke

woorin de media vol staot

aover den moordanslag op

'n Turks gezin, en 'n

an waanzin grenzenden

veldslag van vandalen,

zo vreselek zinloos veur.

*****

Mag van 't lecht,

dat éns met Pinkstern

aover de apostelen dalen,

'n heel klein vunksken

aoverspringen, op leu

dee zó depe bunt ezonken,

dat ze gin respekt meer

veur 't laeven hebt..

*****

Mag 'n vunksken dervan

vallen op onze regeerders

dee al vergaderend

machteloos deper zinkt

in 't moeras dat:

Welvaartstaat heet....

Maor woorin 'n bulte leu

tussen den wal en 't schip

trechte ekommen bunt..

******

Mag één zo'n vunksken

astebleef op al dee

mensen vallen, dee

't woord naostenleefde

allene nog maor uut

't woordenbook kent..

Naostenleefde..

Pas dan wodt onzen waerld

weer gezond..


29 meert 1997 Wim Bluemers Reurle