Welkom in het Archief van de

VIP - ZAAL

Op deze pagina probeer ik een bekende (oud)Achterhoeker aan u voor te stellen, zo krijgt u een idee van deze personen, wat ze beweegt en wat ze doen, dus een kleine kennismaking.

Door op de lichtblauwe link te klikken, kunt u de Nederlandstalige versie van dit interview lezen.

Ko'j ow in 't kort effen veurstellen?

Mien name is Willem Wilterdink en bunne bi'jnao 82 jaor. Ik bunne geboren en getogen in Kotten, op de boerderie'je waor ik nog steeds wonne.

Welk vak of hobby oefen of oefende i'j uut?

As eerste wasse ik boer en varkenshandelaor.
Daornaost hadde ik as hobby toneel spöllen en schrieven veur toneelvereniging TOEP in Kotten. Ook hebbe ik völle e'schreven in het Dialect, oa de colomn " het Heuksken van Hendrik Jan", diverse beukskes uut e'geven (via Museum Freriks) en enkele feuilletons. Dit deed ik onder de name Hulzer Willem. Disse name kreeg ik umdat de boerderie'je Nieuw Hulzer heit en men mi'j in de omgeving al Hulzer Willem neumden

Hoe lange bu'j in ow Vak of hobby actief? .

Eigelijks as kind al en wat betreft TOEP, dee is op e'richt in 1946, meer daorover ku'j leazen in het interview dat ik op de site heb e plaatst.

Ku'j iets vertellen aover ow geschiedenis? .

As kind was ik al bezig met toneel spöllen en dialect schrieven en praoten. Zo hebbe ik met het huwelijk van prinses Juliana, via de schole, mogen spöllen.
Ik hebbe de toneelvereniging mede op e'richt nao d'n oorlog in 1946. Umdat ik de dialectstukke schreef veur de toneelvereniging hef 'n krante mi'j e'vraogd um een feuilleton te schrieven. Diverse beukskes hebbe ik e'schreven umdat ik belangstelling hadde veur bepaolde dinge en ik anderen daorin wol interesseren.

Wat he'j bereikt in ow leaven en / of wat wil ie nog bereiken?

Zoas baoven beschreven hebbe ik met TOEP veel bereikt, wi'j hebt in 't Cultureel Centrum, te Winterswijk, 'n aantal keren mogen spöllen, daornaost hebbe wi'j 'n aantal openluchtspelen mogen opvoeren in het Wieber in Kotten. Wat ik nog wille bereiken is dat ik nog 'n mooi hötjen mag blieven leaven.

Wat is ow mooisten ervaring?

O, bunt er tevölle um op te neumen, in 82 jaoren gebeurt d'r natuurlijk völle. Ik hebbe altied geerne e'reisd, de geboorte van de kinder, mooie veurstellingen enz.

Wat he'j met d'n Achterhoek?

Vondel zei al "De leefde van 't land is iederene angeboren". Ik bunne er geboren en getogen en deed en doe dus völle met en in het Achterhoekse Dialect.

Doe'j nog iets veur of met de Achterhoek, bv sprekken, tradities in ere hollen etc?

Jao, ik holle nog steeds veurdrachten in bejaardentehuuze bv in Harreveld. Daornaost gef ik dialezingen oaver emigratie en de geschiedenis van den oorlog.

Bovendien hebbe ik met e'holpen an de tentoonstelling met de name "Het leaven romdumme de grenze tot 1930", disse wodt e'hollen op 23 - 24 februari as. in 't feestgebouw in Kotten en op 8 - 9 maart in Oeding oaver de grens in Duitsland.

Hoe zie'j de toekomst?

De ontwikkeling geet gewoon deur en 't zal allemaole best wel in orde kommen

Wat is ow eerste publieke optreden?

Echt publieke optredens hebbe ik neet meer, zoas ik al zei gef ik in bejaardentehuuze nog wel veurdrachten, maor wieter bun ik meer op de achtergrond bezig.

Waor kunt mensen terecht voor informatie?

Helaas ne website hebbe ik neet, i'j kunt vanzelfs altied kieken op de website van TOEP.

Wil ie nog iets kwiet dat wi'j vergetten bunt?

Nee.