Kraombedde, wat `n feest!

Enige jaoren geleden, en dan praot ik weer oaver de veurige eeuw, wazz`n Ganzenpen en zien Sedoniaatje alderbastend blie`j met de ankommende geboorte van hun eerste telg.
Vol trots liepen ze`j neaven mekare deur `t darp.

In `t begin, toen d`r nog neet völle te ziene was, met angepaste kledij, deur `t darp lopen um de hele wereld d`r van te oavertuug`n dat `t waor was!
Ganzenpen hef zo hier en daor al wel iets lös gelaoten oaver de toestand van zien Sedoniaatje, maor nog neet de ontwikkelingen van zien achterstallige veurlichting geventileerd, zoas ze dat tegenswoordig nuumt.
Wie-j wiss`n in die-j tied van gin toet-n of blaoz-n en al ruum veur de tied van uutgeteld we`zen begint Ganzenpen al te plannen, `t zit um in `t blood, he`j wil gearne alles geregeld zien.

De annemmer waor Ganzenpen werk-n wordt ingelicht en verzocht um raps te bellen wanneer d`r telefoon kump van zien Sedoniaatje.
`S margens veurdat Ganzenpen weg geet wet zien Sedoniaatje al waor d`r den dag gewerkt wordt. Neet dat dat belangrijk is, maor Ganzenpen hef zich al helemaol ingeprent ho`w te handelen op de datum waorop zien Sedoniaatje bevölt.

Ruum twee wekke veur de datum zit Ganzenpen en zien Sedoniaatje in de veurkamer met Diederik van de kolle kante. Nao de koffie begint Sedonia te praoten oaver maleur in de boek.
Diederik kös `t hazenpad en Ganzenpen zeg, op ingetogen rustige wieze, tegen zien Sedoniaatje, "och, ik gao wel effen naor Hendrik Zadelman en vraogen, den hef uuteindelijk al twee kinder dus den wet wel van wanten.

Ganzenpen speert raps naor zien breur Hendrik en vrög hoelang dat zo`n maleur in-n boek nog zal anholl`n.
Och, sprak Hendrik Zadelman, met `n blik van ervaring in stem en ogen, dat kan nog wel twee wekke duren.

Ganzenpen geet met disse wettenschap terug naor zien Sedoniaatje en zeg, "doot maor hendig an, `t kan nog wel een volle wekke duren"!

Den zelfde nacht begint de maleur in-n boek bie-j Sedonia wat grootser te wodd-n en d`n eersteling zich an te melden deur al veurzichtig an`t loek te klopp`n.

De dienstdoonde huusarts wordt gebeld en kump met rapse spoed naor ons huus.
He`j adviseert mien um de kraomhulp te halen. Goed zegt ik, blief ie-j bie-j Sedonia dan haal ik de kraomhulp en dan za`k no`w meteen maor gaon!
Nee, nee, niks d`rvan jij niet, jij blijft hier, sprak de pille.

Toen bun-k maor weer naor Hendrik Zadelman gegaon en heb ik um 03. 00 uur `s nachts op `t slaopkamerraam geklopt.
Toen Hendrik wakker wier en beseff-n dat d`r iemand tegen `t raam stond te rer-n, vroog Hendrik Zadelman wat d`r toch in vrede gaonde was.
"De twee wekke bunt umme, ie`j mot no`w de kraomhulp halen", vervolg`n ik. Doarnao as `n speer weer naor mien Sedoniaatj-n.

Helpen met puff-n was d`r toen nog niet bie-j, maor da-k d`r bie-j wol blieven dat stond as `n paol boaven water.
Af en toe naor beneden en sloek-n uut `n melkpak um de zenuwen te voeren. Dat `t niet bie-j één pak bleef wazz-n duudelijk, ie-j wilt de kop d`r bie-j hollen.

Toen `t dan uuteindelijk zo wiet wazz-n en onze eerste zönne was geboren glommen wie-j allemaol van bliedschap.
Marthijn wazz`n gecontroleerd en bie-j moeder in bedde gelegd.

Dan wi-j zo`n dokter wat te drinken aanbied-n, want `t is toch feest!!! Nou, zo sprok he-j, geeft u mij maar een glaasje melk, ik moet nog verder.

Gruwelijks zuuk-n en alle pakk-n uutmelken en uuteindelijk `n klein glas gezocht um `t wat te laoten lieken.

Wel hebb-n wie-j den dag feest gemaakt al was `t niet vanweage `t eerste joar maor vanweage de eerste dag dat o-w kind dagelijks kan beginnen met `n stuk an de köttel breien, want uuteindelijk is `t toch zo dat wanneer ie-j goed naor de WC kunt, bu-j gezond en a-j gezond bunt he-j feest.

Willen hierbie-j het Marlineteam van harte feliciteren met hun tienduuzendste bezuuker en veur de rest: `n toet`n vol groet`n en tot kiek op de website van Harry Jansen